പാലാ: റോഡ് മുറിച്ചുകടക്കുന്നതിനിടെ വൈദ്യുതി കാര് ഇടിച്ച് മുന് വോളിബോള് താരം മരിച്ചു. പാലാ കുടക്കച്ചിറ പാലാത്ത് ജോയി ജോര്ജ് (പാലത്ത് അച്ഛന് - 76) ആണ് മരിച്ചത്.
കഴിഞ്ഞ രാത്രി 8.20 ഓടെ പെരുമ്പാവൂര് പുല്ലുവഴിയില് ആണ് അപകടം. ചാലക്കുടിയില് നടന്ന കുടക്കച്ചിറ കുടുംബയോഗത്തിന്റെ വാര്ഷികാഘോഷങ്ങളില് പങ്കെടുത്ത് തിരികെ വരുംവഴി ഭക്ഷണം കഴിക്കുന്നതിന് പുല്ലുവഴിയില് വാഹനം നിര്ത്തി റോഡ് മുറിച്ചുകിടക്കുന്നതിനിടെ ഇലക്ട്രിക് കാര് ജോയിയെ ഇടിച്ചു തെറിപ്പിക്കുകയായിരുന്നു.
ഒപ്പമുണ്ടായിരുന്ന ബന്ധുക്കളും നാട്ടുകാരും ചേര്ന്ന് ഉടന് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
സംസ്കാരം 14ന് രാവിലെ 10ന് ഭവനത്തിലെ ശുശ്രൂഷകള്ക്ക് ശേഷം പാലാ കത്തീഡ്രലില് നടത്തും. ഭാര്യ റോസിലിന് ജോര്ജ് മാനത്തൂര് ആലനോലിക്കല് കുടുംബാംഗം.
മക്കള്: ടിസാ ജോര്ജ് (അധ്യാപിക, മുണ്ടക്കയം ഡീ പോള് സ്കൂള്), ജിമ്മി ജോര്ജ് (ജര്മനി). മരുമക്കള്: സെബാസ്റ്റ്യന് വെള്ളൂകുന്നല് ചക്കാമ്പുഴ, പെട്രീഷ്യ മാത്യു കുഴപ്പക്കുളം ചക്കാമ്പുഴ (ജര്മനി).
Deepika
E-paper LOGIN
LOGIN